BDU Qazax filialının əməkdaşı Yubiley medalı ilə təltif olunub

Azərbaycan Respublikasının Prezidenti İlham Əliyevin müvafiq Fərmanı ilə təsis olunan “Azərbaycan milli mətbuatının 150 illiyi (1875–2025)" Azərbaycan Respublikasının Yubiley medalı ilə Bakı Dövlət Universitetinin Qazax filialının Mətbuat üzrə mütəxəssisi Elçin Məmmədov (Elçin İsmayıl) da təltif olunub.

Qeyd edək ki, Yubiley medalı Medianın İnkişafı Agentliyi tərəfindən bu sahənin inkişafında xüsusi xidmətləri olan, mediada səmərəli fəaliyyət göstərən, uzun müddət bu sahədə çalışan əməkdaşlara verilir.

BDU Qazax filialının direktoru Arif Rüstəmov filialın kollektivi adından Elçin Məmmədovu Yubiley medalı ilə təltif olunması münasibətilə təbrik edib, gələcək fəaliyyətində uğurlar arzulayıb.

Filialın Mətbuat Xidməti.