BDU Qazax filialında Direktoryanı Şuranın iclası keçirilib

Bakı Dövlət Universitetinin Qazax filialında Direktoryanı Şuranın növbəti iclası keçirilib. Filialın Tədris və elmi işlər üzrə direktor müavini Məmməd Yusifov giriş sözü ilə çıxış edərək iclasın gündəliyində duran məsələlər barəsində iştirakçılara məlumat verib.

İclasda “2025/2026-cı tədris ilinin yaz semestrinin imtahan sessiyasının yekunlarının müzakirəsi”, “Apelliyasiya komissiyasının hesabatı” haqqında və digər cari məsələlər müzakirə olunub.

Qeyd olunan məsələlərlə əlaqədar filialın Tədris və elmi işlər üzrə direktor müavini Məmməd Yusifov, filialda yaradılmış Apelyasiya komissiyasının sədri, Pedaqoji fənlər kafedrasının müəllimi Təhməz Novruzov çıxış ediblər.

Müzakirə olunan məsələlər səsə qoyulub, qənaətbəxş hesab olunaraq qəbul edilib.

İclasda bir sıra cari məsələlərə də münasibət bildirilib.

Filialın Mətbuat Xidməti.