Bakı Dövlət Universitetinin Qazax filialının yaranması və fəaliyyət göstərməsi 4 mərhələdən keçmişdir.
Azərbaycan Respublikası Nazirlər Kabinetinin 25 mart 1991-ci il tarixli 69 saylı Qərarı ilə bu ali təhsil müəssisəsi yaradılmış və H.Zərdabi adına Gəncə Dövlət Pedaqoji İnstitutunun Qazax filialı kimi fəaliyyət göstərmişdir.
Azərbaycan Respublikası Prezidenti Heydər Əliyevin 13 iyun 2000-ci il tarixli 349 nömrəli Fərmanı ilə həmin filialın əsasında Azərbaycan Müəllimlər İnstitutunun Qazax filialı yaradılmışdır.
Azərbaycan Respublikası Prezidenti İlham Əliyevin 26 noyabr 2015-ci il tarixli 1582 saylı Sərəncamına əsasən Azərbaycan Müəllimlər İnstitutunun Qazax filialı Azərbaycan Dövlət Pedaqoji Universitetinin filialı hesab edilmişdir.
Azərbaycan Respublikası Prezidenti İlham Əliyevin 29 aprel 2016-cı il 2014 saylı Sərəncamına əsasən 01 iyul 2016-cı il tarixindən Azərbaycan Dövlət Pedaqoji Universitetinin Qazax filialı Bakı Dövlət Universitetinin Qazax filialı hesab edilmişdir.