BDU-nun Qazax filialında elmi seminar keçirilib

Bakı Dövlət Universitetinin Qazax filialının Dil, ədəbiyyat və onların tədrisi metodikası kafedrasının elmi seminarı olub.

Kafedranın müəllimi Türkan Carçıyeva “N.Kamal və Azərbaycan ədəbiyyatı” mövzusunda çıxış edib. O, N.Kamalın “Vətən şərqisi” şeiri ilə M.Ə.Sabirin “Amalımız, əfkarımız ifnayi-vətəndir” şeirinin müqayisəli təhlilini verib.

Kafedranın müdiri, filologiya üzrə fəlsəfə doktoru İradə Arıxova seminarda çıxış edərək mövzu ilə bağlı öz fikirlərini bildirib.

Filialın Mətbuat Xidməti